Inclúe índice onomástico.

Bibliografía.

O padre xesuíta Bieito Santos González (Corvillón, 1939) ofrécenos neste libro o testemuño do seu labor como cura obreiro, a vivencia do seu fondo compromiso co mundo do traballo, coa xustiza social e coa mensaxe liberadora de Xesús. Dende o ano 1970, no que foi destinado a Vigo como membro da misión obreira, desempeñou diversos traballos sendo o de montador no estaleiro ASCON e o de enfermeiro en hospitais do SERGAS nos que permaneceu máis tempo, desempeño que sempre soubo conciliar cun activo labor pastoral e ministerial. Na súa loita pola xustiza social implicouse na acción sindical, nos movementos de acción social da Igrexa, como a IOAC, e nos movementos eclesiais renovadores, especialmente aqueles que procuran unha Igrexa inculturada na realidade de Galicia.